168.am-ը գրում է.
Ոչ ոք չի կարող միջուկային գերտերությանը ներկայացնել 24-ժամյա վերջնագրեր: Ինչպես փոխանցում է ՏԱՍՍ-ը, այդ մասին հայտարարել է ՌԴ արտաքին գործերի նախարարության պաշտոնական ներկայացուցիչ Մարիա Զախարովան՝ ի պատասխան Մեծ Բրիտանիայի վարչապետ Թերեզա Մեյի հայտարարությանը:
Զախարովան ավելացրել է, որ Մեծ Բրիտանիայի վարչապետը չունի իրական փաստեր Ռուսաստանի նախկին հետախույզ Սերգեյ Սկրիպալի թունավորման գործով:
«Ոչ ոք ոչինչ չգիտի, այդ թվում՝ Թերեզա Մեյը, ով չունի որևէ իրական փաստ իր ձեռքում»,- ասել է Զախարովան:
Մեյը հայտարարել է, թե թունավորման պատասխանատվությունը մեծ հավանականությամբ կրում է Ռուսաստանը: Նա հայտնել է, որ Սկրիպալը և նրա դուստրը թունավորվել են նյարդային համակարգը կաթվածահար անող ռազմարդյունաբերական «Նովիչոկ» գերգաղտնի նյութով, որը մշակվել է դեռ նախկին Խորհրդային Միությունում:
Նյութի աղբյուր՝ https://168.am/2018/03/13/920707.html
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել