Ռուսաստանում գտնվող Խաբարովսկ քաղաքում օրեր առաջ ոստիկանները 54 մարդու ձեռքի թաթ են հայտնաբերվել՝ լցված տարօրինակ պարկի մեջ։ Ամեն ինչ բացահայտվեց, երբ շրջակայքում գտնվող գետերից մեկի ափին մարդիկ անդամահատված ձեռք էին նկատել։ Հենց դրանից հետո էլ ոստիկաններն սկսեցին զննել տարածքը և գտան մնացած 53 անդամահատված ձեռքերը։
Դատաբժշկական փորձաքննության ենթարկելուց հետո պարզվեց, որ հայտնաբերված ձեռքերը պատկանում են 27 մարդու, այսինքն՝ անդամահատվել են 27 մարդկանց երկու ձեռքերը։
Դեպքից արդեն 5 օր է անցել, սակայն ոչ ոք չունի հստակ պատասխան, թե ում է պատկանում ձեռքերով լցված պարկը և ինչու էր նա դրանք անդամահատել ու կուտակել մի վայրում։ Վարկած կա, որ միգուցե դրանք հիվանդանոցում արված բժշկական անդամահատումների արդյունքում են այնտեղ հայտնվել։ Ոմանք էլ ասում են՝ հանցագործներին պատժելու համար են կտրել մարդկանց ձեռքերը։
Մինչ մարդիկ շրջանառության մեջ են դնում տարբեր հնարավոր ու անհնար վարկածներ, ոստիկանները փորձում են ապացույցներ գտնել։