Մսով լցոնված կարտոֆիլի բաղադրատոմս
Բաղադրիչները՝
- 1 կգ կարտոֆիլ
- 300 գ մսի ֆարշ
- 2 գլուխ սոխ
- 100 գ գազար
- 1 ճ/գ տոմատի մածուկ
- 1 պճեղ սխտոր
- 5 ճ/գ բուսական յուղ
- Աղ, պղպեղ՝ ըստ ճաշակի
Պատրաստումը՝
1. Մոտավորապես նույն չափի կարտոֆիլներ պատրաստիր: Մեջտեղի մասը հանիր: Կարտոֆիլների ներքևի մասերը մի քիչ կտրիր, որ ուղիղ մնան:
2. Ֆարշին ավելացրու աղ, պղպեղ, սխտոր և սոխ՝ բլենդերով մանրացված կամ մանր կտրտած, կարտոֆիլները լցոնիր ֆարշով:
3. Կիպ դիր թավայի մեջ և վրան աղաջուր լցրու կեսի չափով: Եփիր, մինչև կարտոֆիլը կիսապատրաստ լինի:
4. Այդ ընթացքում սոուսի համար սոխը և գազարը մի քիչ տապակիր բուսական յուղով, վերջում տոմատի մածուկ ավելացրու, մի քիչ ջուր և աղ: Կարտոֆիլին ավելացրու սոուսը և խաշիր, մինչև լրիվ պատրաստ լինի:
5. Ահա և վերջ: Պատրաստ է:
6. Ցանկության դեպքում վերջում կարտոֆիլների վրա կարելի է դեղին պանիր լցնել: Մատուցել կարելի է թթվասերով և կտրտած կանաչիով:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել