Վրաստանի իրավապահները 43-ամյա տղամարդու են ձերբակալել, ում մեղադրում են Թբիլիսիի բնակիչ, 61-ամյա Գոգի Ռաթիանիի սպանության մեջ, ով հայտնի է նաև որպես Կոչո Գոգի:

Հիշեցնենք, որ Ռաթիանիին, ով մինչ այդ կրում էր Խատոև ազգանունը և հայտնի էր «գողական» աշխարհում որպես Կոչո Գոգի, սպանված են գտել սեփական բնակարանում, Թբիլիսիում, կիրակի առավոտյան:

Համաձայն ոստիկանության տվյալների՝ նախկին «օրենքով գողի» վրա կրակել են որսորդական հրացանից: Արդեն մի քանի ժամ անց հարձակվողը բերման է ենթարկվել: Ըստ նախնական տվյալների՝ հանցագործության շարժառիթը վրեժն է եղել:

Հայտնի է, որ նախկինում «օրենքով գող» Գոգի Խատոևը անհայտ պատճառներով զրկված է եղել այդ տիտղոսից:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել