Armtimes.com-ը գրում է.
Ամերիկյան Forbes հանդեսի կազմած աշխարհի ամենահարուստ մարդկանց վարկանիշային ցուցակում ընդգրկվել է ծագումով հայ երեք գործարար:
«Մագնիտ» ցանցի հիմնադիր Սերգեյ Գալիցկին (Հարությունյան) աշխարհի միլիարդատերերի ցանկում 550-րդն է`4 միլիարդ դոլար կարողությամբ:
«Տաշիր» ընկերությունների խմբի հիմնադիր և նախագահ Սամվել Կարապետյանը «Միլիարդատերեր-2018» վարկանիշում 606-րդն է: Նրա կարողությունը գնահատվել է 3,7 միլիարդ դոլար:
Արգենտինահայ հայտնի գործարար, Հայաստանի Ազգային հերոս՝ Էդուարդո Էռնեկյանը 2,7 միլիարդ դոլար կարողությամբ 887-րդ տեղում է:
«Միլիարդատերեր 2018» վարկանիշի առաջատարներն են Amazon-ի սեփականատեր Ջեֆ Բեզոսը (112 մլրդ դոլար), Microsoft-ի հիմնադիր Բիլ Գեյթսը (90 մլրդ դոլար) եւ ամերիկացի ներդրող Ուորեն Բաֆեթը (84 միլիարդ դոլար):