Tert.am-ը գրում է.
Գարնան առաջին օրը Նախագահ Սերժ Սարգսյանը չեղարկեց հայ-թուրքական արձանագրությունները, ինչպես և խոստացել էր ՄԱԿ-ի ամբիոնից: Ոմանք սա գնահատում են որպես ուշացած քայլ, ոմանք, գտնում են, որ դե ֆակտո Թուրքիան չեղարկել և սպասում էր Հայաստանի կողմից դե յուրե դրանց չեղարկմանը, որպեսզի ասի, որ արգելակողը Հայաստանն է:
Այս մասին Tert.am-ի հետ զրույցում ասաց քաղաքագետ Հայկ Մարտիրոսյանը՝ անդրադառնալով հայ-թուրքական արձանագրությունների գործընթացի կասեցմանը:
Քաղաքագետի խոսքով՝ վերը նշված երկու բացատրություններն էլ մի քիչ պարզունակ են հնչում, իսկ երկրորդն ընդհանրապես երրորդական կարևորության է:
«Այդ արձանագրություններն ընդհանրապես չպետք է նախաձեռնվեին: Դրանք միայն վնասեցին Հայաստանին, ծառայեցին Թուրքիայի շահերին և Հայաստանի դեմ ևս մեկ միջազգային փաստաթուղթ թողեցին արխիվում:
