Մյունխենում տեղի ունեցած անվտանգության համաժողովի ժամանակ Գերմանիայում Ադրբեջանի դեսպանատան առաջին քարտուղար Սադի Ջաֆարովը հարց է ուղղել Հայաստանի նախագահ Սերժ Սարգսյանին: Հետագայում, ինչպես հայտնում են Ջաֆարովը և ադրբեջանական լրատվականները, միջոցառման ավարտից հետո Սարգսյանը մոտեցել է դիվանագետին և ադրբեջաներեն հարց է տվել նրան:

Ջաֆարովը փորձել է համաժողովի ժամանակ թարմացնել հայ-ադրբեջանական հարաբերությունների մասին թեման, խոսել է Արցախի, նրա տարածքների և արցախյան հարցի պատճառով Հայաստանի տնտեսական եւ տրանսպորտային նախագծերից դուրս մնալու մասին: Սերժ Սարգսյանն իր հերթին հակառակվել է Ջաֆարովին, ու այդ նոտայի վրա ավարտվել է իրենց պաշտոնական քննարկումը:

Ըստ Ջաֆարովի՝ միջոցառումից հետո Սարգսյանը մոտեցել է իրեն և հարցրել՝ Hardansan (Որտեղի՞ց ես), Ջաֆարովը պատասխանել է, որ արմատներով Ղարաբաղից է: Սարգսյանը պատասխանը լսելուց հետո հեռացել է դահլիճից:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել