Դեմքին թթվային լուծույթ լցնելու հանցանքը հատկապես տարածված է Իրանում: Ցավոք, այդ քայլից տուժում են հիմնականում կանայք և երեխաները: Դա սարսափելի դաժան քայլ է:
Իրանից լուսանկարիչ Ասգար Կամսեհը բացահայտում է հարձակման զոհ դարձած մարդկանց պատմությունը: Ցավոք, Իրանում չկա այնպիսի կազմակերպություն, որ կօգնի և կհոգա նրանց կարիքները: Քիմիական ծանր այրվածքներով կանայք ստիպված են ինքնուրույն հոգալ իրենց պահանջները:
Ռահանա Պոր Ամրայ՝ 38 տարեկան և Ֆատիմա՝ 8 տարեկան
Հանցագործը համոզված էր, որ Ռահանան նրա կնոջը դրդել է ամուսնալուծվել: 2015 թվականին ընտանիք քանդելու դրդապատճառով նա կնոջ ու երեխայի վրա քիմիական թթու լցրեց:
Մարիամ Զամանի՝ 38 տարեկան և Արեզո Հաշեմի Նիժադ՝ 13 տարեկան
2010 թցականին Մարիամի եղբոր կինը քնած կնոջ ու երեք երեխաների վրա քիմիական թթու լցրեց: Դա նախանձի հետևանք էր: Լուսանկարում Մարիամն է՝ աղջիկներից մեկի հետ:
Շիրին Մոհամադի, 18 տարեկան
2012 թվականին նա մերժեց տղամարդու և հրաժարվեց ամուսնանալ: Տղամարդը դա վիրավորանք համարեց և նրա վրա քիմիական թթու լցրեց: Նրա դեմքի մի մասը խիստ վնասված է, բազմաթիվ այրվածքներ կան մարմնի վրա:
Սոմայե Մեհրի, 29 տարեկան
Նրա մեղքը համարվեց ամուսնալուծության որոշումը: Պատասխանը եղավ իր և դստեր վրա հարձակումը: 4 տարի անց Սոմայեն մահացավ քիմիական այրվածքների ծանր հետևանքներից: Լուսանկարում Ռահանան է՝ մոր լուսանկարի հետ:
Մահնազ Կազեմի, 39 տարեկան
Նրա ամուսինը միշտ է դաժան եղել և ծեծել է կնոջը: Կինը որոշեց ամուսնալուծվել: Չնայած ծեծուջարդին՝ նա միշտ գեղեցիկ էր, և ամուսինը, լսելով որոշման մասին, զրկեց նրան գեղեցկությունից՝ կնոջ վրա քիմիական թթու լցնելով:
Մասումեհ Ահայ, 32 տարեկան
2008 թվականին նա բաժանվեց ամուսնուց: 2 տարի անց սկեսրայրը վրեժ լուծեց որդու համար՝ կնոջ վրա քիմիական թթու լցնելով: Արդյունքում կինը զրկվեց աչքերից:
Մոհսեն Մորտազավի, 34 տարեկան
2012 թվականին առաջին աշխատանքային օրը նա ենթարկվեց դաժան հարձակման կոլեգայի կողմից: Նա տղամարդու վրա քիմիական թթու լցրեց և մի քանի անգամ դանակահարեց: Հարձակվողը վստահ էր, թե Մոհսենը իրեն ծաղրել է, և ինքը որոշել է նման ձևով վրեժ լուծել: Հետո պարզվեց, որ Մոհսենը անգամ չի մտածել նրան ծաղրելու մասին: Տղամարդը հրաշքով է ողջ մնացել, բայց ամբողջ կյանքում մնալու է այլանդակված:
Զիվեր Պարվին, 37 տարեկան
Ամուսնու մահից հետո նրան առաջարկություն արեց ազգականներից մեկը: Կինը մերժեց: 2011 թվականին տղամարդն ու նրա առաջին կինը քիմիական թթու լցրին Զիվարի և նրա 18-ամյա աղջկա վրա, մինչ վերջիններս քնած էին: Աղջիկը 18 օր անց մահացավ: Զիվարը ձեռքում պահում է դստեր լուսանկարը մինչ հարձակումը: