168.am-ը գրում է.

Չինաստանը հույս ունի, որ Կորեական թերակղզու ճգնաժամի բոլոր կողմերը կկարողանան համատեղ ջանքեր գործադրել իրադրության կարգավորման համար եւ ձեռնպահ կմնան սադրիչ գործողություններից ու հայտարարություններից՝ խուսափելով լավածության աճից:

Այդ մասին հայտարարել է ՉԺՀ-ի արտաքին գործերի նախարարության պաշտոնական ներկայացուցիչ Գեն Շուանը:

«Հարավային Կորեան եւ ԿԺԴՀ-ն փոխգործակցություն եւ բարեկամական համագործակցություն ցուցաբերեցին Փհենչհանի Օլիմպիական խաղերի ժամանակ, Չինաստանը՝ որպես Կորեական թերակղզու մերձավոր հարեւան, ողջունում եւ հավանություն է տալիս դրան, մենք միշտ ընդգծել ենք, որ կղզում ստեղծված փակուղային իրադրությունից միակ ելքը երկխոսությունն է եւ հաշտության բանակցությունները»,- հայտարարել է դիվանագետը:

Նրա խոսքով՝ Պեկինը հուսով է, որ «Սեուլի եւ Փհենյանի միջեւ վոխգործակցությունը կարող է նպաստել ԿԺԴՀ-ի եւ ԱՄՆ-ի միջեւ շփումների հաստատմանը, ինչպես նաեւ կդառնա քայլ Կորեական թերակղզու հիմնախնդրի շուրջը երկխոսության վերսկսման ուղղությամբ», հաղորդել է ՌԻԱ Նովոստին:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել