168.am -ը գրում է
Բրիտանացի գիտնականները ցույց են տվել, որ մաքուր օդում կանոնավոր չափավոր ֆիզիկական բեռնվածությունները նվազեցնում են տարեց տղամարդկանց մահացության վտանգը: Ուսումնասիրությունը հրապարակված է British Journal of Sports Medicine հանդեսում: Այդ մասին հայտնել է EurekAlert!-ը:
Հետազոտությունները ցույց են տվել, որ ամենօրյա կես ժամ տեւողությամբ զբոսանքը շան հետ կամ այգում կատարվող աշխատանքները 17 տոկոսով նվազեցնում են մահացության վտանգը: Այս եզրակացությունն արդարացի է՝ հաշվի առնելով այն, որ երկար նստելը բացասական ազդեցություն է ունենում տարեց տղամարդկանց առողջության վրա:
Ուսումնասիրության հեղինակները հետեւել են 1181 բրիտանացի տղամարդկանց առողջական վիճակին եւ մահացության դինամիկային, մարդիկ, որոնց միջին տարիքը հետազոտությունն սկսելու պահին կազմում էր 78: Յուրաքանչյուր տղամարդու հետեւել են միջին հաշվով հինգ տարի, մինչեւ դիտարկումների ավարտը 194 մարդ մահացել է:
