33-ամյա Գվիլիմ Փյուն Բրիտանիայից է և ունի սեփական ապահովագրական ընկերությունը, որը հիմնադրել է 2006թ., երբ 21 տարեկան էր: Անընդհատ նստած աշխատանքի պատճառով տղամարդը սկսեց քաշ հավաքել:
«Այդ ժամանակ ես բավականին գեր էի, քանի որ օրական աշխատում էի 12 ժամ և տանից դուրս չէի գալիս: Իմ աշխատանքը բավականին հաջող էր, բայց որոշեցի կյանքս կարգի բերել»:
Որպեսզի աշխատանքից կտրվի, Գվիլիմն ընկերոջ հետ ստեղծեց երաժշտական խումբ և սկսեց բեղ աճեցնել:
«Իմ վարսահարդարներից մեկն ինձ խորհուրդ տվեց աճեցնել բեղ: Նա ասաց, որ, եթե ես նվագում եմ կիթառ ֆոլք խմբում, ուրեմն՝ ես պետք է բեղ ունենամ»:
Դրանից հետո տղան հանձն առավ զբաղվել իր կազմվածքով: Սկսեց ճիշտ սնվել, թողեց նստակյաց աշխատանքը, զբաղվեց սպորտով և նիհարեց: Նրան հաջողվեց կորցնել 40կգ:
Տղայի փոխակերպումը ոչ միայն ազդել է իր մարմնի, այլ նաև՝ կարիերայի վրա: 2015թ. նրա Instagram-ի նկարները նկատեցին մոդել սքաութները: Աստիճանաբար նա սկսեց ճանաչում ձեռք բերել:
Փյուն աշխատում է այնպիսի բրենդների հետ, ինչպիսիք են Belstaff, Diesel և Bud Light, նա նաև նկարահանվում է Դեվիդ Բեքհեմի նոր գովազդում: