Կյանքը լի է թե՛ դրական, թե՛ բացասական բաներով։ Ցավոք, ոչ ոք ապահովագրված չէ տարատեսակ հիվանդություններ ձեռք բերելուց։
Այսօր ձեզ ենք ներկայացնում աշխարհի ամենատարօրինակ հիվանդություններից մի քանիսը, որոնք հազվագյուտ քանակով մարդկանց մոտ են հանդիպում։
Հիպերտրիքոս սինդրոմ
Մեքսիկայում բնակվող Ասև ընտանիքի գեներում մի տարօրինակ հիվանդություն կար։ Այն կոչվում էր հիպերտրիքոս կամ, ինչպես հայտնի է, գայլի սինդրոմ։ Բանն այն է, որ նրանց գերդաստանում թե՛ տղամարդկանց, թե՛ կանանց դեմքը պատված էր մազերով։
Մարֆանի սինդրոմ
Իսպանացի դերասան Խավիեր Բոտետն էլ Մարֆանի սինդրոմ ունի, ինչի պատճառով նրա արմունկները չափազանց բարակ են, իսկ մատները՝ շատ երկար։ Այս շեղումն ունեցող մարդիկ սովորաբար բարձրահասակ են լինում՝ երկար ոտքերով, մեծ ոտնաթաթով։
Կրուզոնի սինդրոմ
Ուգանդայում բնակվող Պետերոն նախկինում շատ տարբերվող տեսք ուներ։ Նա Կրուզոնի համախտանիշ ուներ, ինչի պատճառով գանգոսկրը տձևանում էր՝ աչքերը քիչ-քիչ ավելի արտահայտիչ դարձնելով։ Բարեբախտաբար, վերջերս նա Տեխասում մի քանի վիրահատություն է տարել՝ արդյունքում վերականգնելով իր գեղեցիկ դեմքը։
Արգիրիա
Ամերիկացի Պաուլ Քերասոնի մաշկը կապույտ գույն ունի։ Պատճառը Արգիրիա կոչվող հիվանդությունն է, երբ օրգանիզմում գունային պիգմենտների խանգարում է լինում։
Առինիա
Առինիան շատ հազվադեպ հանդիպող հիվանդություն է, երբ դեմքի վրա բացակայում է քիթը։ Օրինակ՝ այդ համախտանիշով է ծնվել Թեսա անունով այս աղջնակը։ Բարեբախտաբար, հնարավոր է բժշկական միջամտությամբ արհեստական քիթ ավելացնել, սակայն հոտի զգացում ավելացնելն անհնար է, այսինքն՝ Առինիայով մարդիկ իրենց ողջ կյանքի ընթացքում երբեք չեն կարող հոտ զգալ։
