Flormar-ն արդեն պաշտոնապես Ռոսսիա մոլում է: Երեկ աշխարհահռչակ բրենդն իր խանութ-սրահը բացեց մոլի 2-րդ հարկում: Աշխարհի 6 մայրցամաքների ավելի քան 102 երկրներում մեծ պահանջարկ ունեցող բրենդը «Ռիթեյլ Գրուպ Արմենիա» կազմակերպության միջոցով նախ իր դռներն էր բացել Դալմա Գարդեն մոլում, ապա՝ Երևան մոլում: BlogNews.am-ը ներկա է եղել միջոցառմանն ու որակյալ կոսմետիկայի սիրահարներին է ներկայացնում օրվա հետաքրքիր պահերն ու տարբերվող ապրանքատեսականին:
Բրենդի տարածաշրջանային ղեկավար Նարինե Սիմոնյանը վստահեցնում է՝ խանութում ներկայացված է 2000-ից ավելի ապրանքատեսականի, որոնք պարունակում են ժամանակակից կնոջ կոսմետիկ պարագաների պայուսակը լրացնելու համար անհրաժեշտ բոլոր միջոցները. «Թեստավորելով գերժամանակակից լաբորատորիաներում՝ բրենդի որակի ստուգման բաժիններում վստահեցնում են, որ ապրանքատեսականին համապատասխանում է լավագույն որակային պահանջներին»:
Flormar խանութ-սրահի տեսականին հաճախ է թարմացվում դիմահարդարման աշխարհում թրենդ հանդիսացող նոր նմուշներով՝ զուգահեռ հաճախորդին մշտապես ներկայացնելով արդեն իսկ սիրված և որակյալ հավաքածուն. «Ռոսիա մոլը սիրով իր հարկի տակ ընդունում է Flormar բրենդը, որը մեծ պահանջարկ ունի ամբողջ աշխարհում: Վստահ ենք, որ «Ռիթեյլ Գրուպը», կատարելով լուրջ մարքեթինգային հետազոտություններ, ճիշտ ընտրություն է կատարել երրորդ խանութի վայրի ընտրության հարցում: Հուսով ենք, որ սա մեր գործակցության հաջող սկիզբը կդառնա»,- նշեց մոլի տնօրեն Նոնա Անդրեասյանը:
Flormar բրենդային խանութ-սրահներում կարելի է գտնել մաշկի տեսակին և երանգին համապատասխան դեկորատիվ խնամքի լավագույն միջոցները: Ի դեպ՝ միայն Ռոսսիա մոլի սրահում ու միայն բացման կապակցությամբ գործում են հատուկ առաջարկներ․ գնելով 2 ապրանք՝ 3-րդը կստանաք անվճար: