Armtimes.com-ը գրում է.
Լեռնային Ղարաբաղի հակամարտությունը շատ լուրջ մարտահրավեր է, եւ այն պետք է կարգավորվի քաղաքական բանակցությունների միջոցով: Այդ մասին հայտարարել է ԵՄ արտաքին գործերի եւ անվտանգության քաղաքականության գծով գերագույն հանձնակատար Ֆեդերիկա Մոգերինին Ադրբեջանի ԱԳ նախարար Էլմար Մամեդյարովի հետ Բրյուսելում կայացած հանդիպմանը:
Նրա խոսքով, Եվրամիությունում ակնկալում են, որ կողմերը կատարեն լարվածության նվազեցման եւ բանակցային գործընթացն արագացնելու վերաբերյալ ձեռքբերված պայմանավորվածությունները, հայտնում է ԱՊԱ գործակալությունը:
«Ստատուս-քվոն անկայուն է: Հակամարտությունը չի կարող հանգուցալուծվել ռազմական ճանապարհով», - ընդգծել է նա, ու նշել, որ հակամարտությունը պետք է կարգավորվի քաղաքական բանակցությունների ճանապարհով՝ միջազգային իրավունքի հիման վրա: «ԵՄ-ն սատարում է ԵԱՀԿ Մինսկի խմբի միջնորդական ջանքերին եւ առաջարկներին»,- եզրափակել է նա:
Ամբողջական հոդվածը կարող եք կարդալ այստեղ։
