Լրագրողների և բլոգերների միջև հրաձգության մրցույթում բլոգերները ջախջախիչ պարտություն կրեցին

Այսօր BlogNews-ը ՊՆ-ի հետ համատեղ մի յուրահատուկ մրցույթ էր կազմակերպել: Հայտնի բլոգերները և լրագրողները պետք է միմյանց հետ իրենց ուժերը փորձեին հրաձգության մեջ: Լավագույններին ՊՆ-ն հատուկ նվերներ էր խոսատնում:

Յուրաքանչյուր թիմից մրցում էին 10-ական հոգի: Սկզբում ՊՆ աշխատակիցները մեզ մանարամասն ծանոթացրին զենքին ու կրակելու նրբությունները ներկայացրին, ապա սկսեցինք մրցել:

Սպիտակներով խաղալու իրավունքը բլոգերերը զիջեցին լրագրողներին: Մրցույթը բացեց Emedia.am կայքի լրագրող Գևորգ Ղազարյանը ու նրա հաջող ելույթով լրագրողների հաղթարշավը մեկնարկեց:

Սուտ կլինի ասել, որ հանդիպումը թեժ մրցակցության պայմաններում անցավ, բայց անշուշտ այս փորձը ադրենալինի մեծ պաշար ապահովեց բոլորիս համար:

Բավական տարօրինակ էր պարզել, որ աղջիկները տղաներից շատ ավելի լավ են կրակում: Լրագրողների թիմում հանդես եկող աղջիկները հատկապես աչքի ընկան: Ցավոք բլոգերների թիմի ծառայած տղաները անգամ հաշվի մեծ տարբերությունը կրճատել չկարողացան:

Մրցույթի վերջում լավագույն երեք հրաձիգ ճանաչվեցին Էրիկ Անթառանյանը ( 36 միավոր հնարավոր 40-ից), Մանանա Հովակիմյանը (35 միավոր) և Արծրուն Հովհաննիսյանը (33):

Իսկ արդյուքներին ավելի մանրամասն կարող եք ծանոթանալ ստորև ներկայացված աղյուսակում:

Լրագրողներ	Բլոգերներ
9+6+7 (Գևորգ)	6 (Շուռ)
0 (Բորիս)	8 (Սերգեյ)
9 (Նորա)	6 (Գարիկ)
9+7+7 (Արման)	0 (Մարինե)
9+8+9+10 (Էրիկ)	0 (Հրանտ)
0 (Արմինե)	0 (Աշոտ)
0 (Լուսինե)	9+7 (Կոստյա)
10+10+9+6 (Մանանա)	6+7 (Աշոտ)
0 (Տաթև)	0 (Հարութ)
10+8+8+7 (Արծրուն)	6+7 (Կարեն)
158	62