Ներկայացնում ենք Բիլ և Մելինդա Գեյթսերի ավագ դստերը՝ 21-ամյա Ջենիֆեր Կատարին Գեյթսին:
Նա ակտիվ կենսակերպ է վարում՝ սովորում է, ձիասպորտով է զբաղվում, ընտանիքի և ընկերոջ հետ ճամփորդում է, իր կյանքից հետաքրքիր իրադարձությունների լուսանկարներ է հրապարակում սոցցանցերում:
Լուսանկարներից դատելով՝ աղջիկը հեռու է հարուստ ժառանգների անհոգ, ցոփ կյանքից:
Բիլ Գեյթսը մի անգամ ասել էր. «Իմ և Մելինդայի երեխաները որակյալ կրթություն կստանան և մեկնարկային կապիտալ, այնպես որ, առանց փողի չեն մնա ամեն դեպքում: Բայց նրանցից յուրաքանչյուրն իր կարիերան կկառուցի: Նրանք իրավունք ունեն ինքնուրույն ընտրելու իրենց ճանապարհը, բայց անսահմանափակ փողի շատրվան, որը հնարավորություն կտա ոչինչ չանել, չեն ունենա:
Փողը պետք է օգնի նրանց, ովքեր իսկապես դրա կարիքն ունեն: Եթե մենք ունեցվածք թողնենք Ջենիֆերին, Ռորիին և Ֆիբիին, նրանց կզրկենք մոտիվացիայից և ինքնադրսևորվելու հնարավորությունից: Համոզված եմ՝ երեխաները կհպարտանան իմ և Մելինդայի որոշմամբ»:
Հիմա Ջենիֆերը սովորում է Սթենֆորդի համալսարանի կենսաբանության ֆակուլտետի վերջին կուրսում:
Ջենիֆերը սիրում է կենդանիներ, ձիասպորտ:
2017 թ. հունիսի 23-ին նա մասնակցեց Մոնակոյի չեմպիոնների համաշխարհային մրցաշարին:
Ջենիֆերի ընկերն ամերիկացի ձիավոր է եգիպտական արմատներով՝ Նայել Նասսարը: