Թուրքիայում հուսահատ և անտեսանելի պայքար է ընթանում աշխարհիկ պետության կողմնակիցների և իսլամիստների միջև։ Այդ պայքարի տեսանելի դրսևորումներից մեկն է դարձել Կրոնի հարցերով վարչության կողմից վերջերս կայացված որոշումը։
Կրոնական գործիչները հրապարակել են ֆեթվա, որով մուսուլմաններին արգելում են ձախ ձեռքով սնունդ ուտելը և պահանջում հրաժարվել նման սովորությունից, հայտնում է Söscü պարբերականը։
Փաստաթղթում ասվում է, որ Մուհամմադ մարգարեն արգելել է սննդի ժամանակ ձախ ձեռքն օգտագործելը։
«Ձախ ձեռքով ուտում և խմում են դևերը, այդ իսկ պատճառով մարգարեն սովորեցրել է ուտել և խմել աջ ձեռքով»,-ասվում է ֆեթվայում։
Ձախ ձեռքով սննդի ընդունումը թույլատրվում է միայն ֆիզիկական վնասվածքների առկայության դեպքում։
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
