operativ.am-ը գրում է

Փետրվարի 4-ին, ժամը 20:54-ին տեղեկություն է ստացվել, որ հրդեհ է բռնկվել Արագածոտնի մարզի Աշտարակ քաղաքի Սմբատ Զորավար փողոցի տներից մեկում:

Դեպքի վայր են մեկնել երկու մարտական հաշվարկ և մարզային փրկարարական վարչության օպերատիվ խումբը:

Փրկարարները տնից դուրս են բերել 1973 թ. ծնված Հ. Ս.-ին և մոտեցրել շտապօգնության ավտոմեքենային: Հ. Ս.-ը հոսպիտալացվել է Աշտարակի ԲԿ, այնուհետև «Ճառագայթային բժշկության և այրվածքների գիտական կենտրոն», որտեղ բժիշկները տուժածի առողջական վիճակը գնահատել են միջին ծանրության:

Հրդեհը մեկուսացվել է ժամը 21:54-ին, մարվել՝ 22:13-ին:

Այրվել են երկհարկանի տան տանիքի փայտյա կառուցատարրերը (մոտ 100 քմ), խոհանոցը՝ մասամբ (մոտ 12 քմ), ննջասենյակը՝ մասամբ (մոտ 12 քմ), միջանցքի փայտե հատակը (մոտ 6 քմ) և չորս դուռ՝ ամբողջությամբ:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել