2017թ. հունվարի 20-ին՝ ԱՄՆ նախագահ Դոնալդ Թրամփի երդմնակալության հանդիսավոր արարողությունից առաջ, առաջին տիկին Մելանյա Թրամփն այդ կարգավիճակում իրեն նախորդած Միշել Օբամային նվիրել է մի տուփ, որի պարունակության մասին տևական ժամանակ տարատեսակ ենթադրություններ էին անում բազմաթիվ լրատվամիջոցներ:
Օրերս Միշել Օբաման հեռուստատեսային շոուներից մեկի ժամանակ բացահայտել է, թե ինչ է եղել փիրուզագույն տուփի մեջ. Tiffany բրենդի տուփում եղել է «հրաշալի նկարակալ»:
Նախկին առաջին տիկինն ընդգծել է, որ այդ պահին Մելանյա Թրամփի ձեռքից նվեր ստանալն իրեն շփոթության մեջ է գցել, քանի որ երդմնակալության կանոնակարգը նման բան չի ենթադրում:
Իրավիճակը «փրկել» է ամուսինը՝ Բարաք Օբաման, ով վերցրել է տուփն ու ներս տարել:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
