Չորս տղամարդու հեռացրել են աշխատանքից չափազանց երկար մորուքի համար

Ֆրանսիայում օդանավակայանի անվտանգության «Securitas» կազմակերպության չորս նախկին աշխատակիցներ դատի են տվել իրենց գործատուներին այն պատճառով, որ իրենց 2015 թվականի փարիզյան ահաբեկչություններից հետո ազատել են աշխատանքից՝ երկար մորուքը կտրելու պահանջը չկատարելու համար։

Հայցվորները, ովքեր մուսուլմաններ են, պնդում են, որ խտրականության զոհ են դարձել կրոնական հողի և արտաքին տեսքի հիման վրա։

Ուրբաթ օրը Փարիզի աշխատանքային հարցերով դատարանը որոշում կկայացնի՝ արդյոք աշխատակիցները անհիմն են ազատվել աշխատանքից, թե ոչ։

Տղամարդիկ դատարանից պահանջում են պատժել Securitas կազմակերպությանը և իրենց 53 հազար եվրո վճարել՝ անարդար հեռացման և խտրականության համար։