Պաղպաղակ նիհարիկների և նրանց համար, ովքեր չեն ուզում գիրանալ

Հնարավոր է համեղ ուտել և չկուտակել ավելորդ կիլոգրամներ։ Դրա համար պարզապես հարկավոր է օգտագործել առողջ սնունդ և ճիշտ համադրել օգտագործվող մթերքը։ Fithacker.ru-ն ներկայացրել է պաղպաղակի բաղադրատոմս, որը նախատեսված է նրանց համար, ովքեր չեն ցանկանում ավելորդ կիլոգրամներ կուտակել։

Բաղադրիչներ

• անյուղ կաթնաշոռ՝ 150 գրամ
• 1 տոկոս յուղայնությամբ կեֆիր՝ 150 գրամ
• սառեցված ելակ՝ 130 գրամ
• չամիչ՝ 15 գրամ
• հանքային ջուր՝ 50 մլ։

Ցանկության դեպքում կարող եք նաև արքայախնձոր, ծիրանի չիր կամ ընդեղեն օգտագործել։

Պատրաստման եղանակը։ Բոլոր բաղադրիչները խառնեք բլենդերում, լցրեք տարաների մեջ, դրեք սառցարանում։