BlogNews.am-ի բլից հարցերին այս անգամ պատասխանել է երգչուհի և դերասանուհի Ռիփփին: Նրան վերջերս հեռուստադիտողն ավելի հաճախ տեսնում էր «Դոմինո» սիթքոմում, որտեղ գեղեցկուհին փայլում է իր հումորային խաղով ու տարբերվող կերպարով:
- Ի՞նչ կգտնենք քո սենյակում պեղումներ անելիս:
- Շատ կոսմետիկա: Դ
- Ամենազավեշտալի ու հիշվող ռեպլիկը՝ հնչած քո հասցեին:
- Այս պահին չեմ հիշի:
- Հոլիվուդյան ո՞ր դերասանին օգնենք, որ քեզ առևանգի:
- Շա՜տ են, բայց կառանձնացնեմ Ուիլ Սմիթին:
- Ջնջո՞ւմ ես Ֆեյսբուքի հին նկարները:
- Չէ, երբեք:
- Ի՞նչ երբեք չես կրի:
- Առհասարակ հրաժարվել եմ բնական մորթուց, նախընտրում եմ արհեստականը:
- Քանի՞ կիլոմետր ես հեռու խոհանոցից:
- Ընդհանրապես հեռու չեմ, սիրում եմ խոհանոցում լինել ու հաճախ եմ պատրաստում: Հիմնականում տանն եմ սնվում ու առողջ սնունդ եմ օգտագործում:
- Ո՞ւմ նայեն տղաները, եթե դու տարածքում չես:
- Շարլիզ Թերոնին, Անջելինա Ջոլիին ու մյուս բոլոր գեղեցիկ կանանց:
- Փորձված թա՞ն, թե՞ անփորձ մածուն:
- Երկուսն էլ:
- Քանի՞ ժամ/շաբաթ/ամիս կարելի է տրամադրել շոփինգին:
- Անընդհատ, հագուստներիս մեծ մասն իմ ստեղծագործություն է, անվերջ կարող եմ նայել, ընտրել:
- Մի հագուստը քանի՞ անգամ կարելի է կրել:
- Ես շուտ եմ հոգնում հագուստից, բայց երեևի մեկ-երկու անգամ:
- Օրական քանի՞ սելֆի կարող ես անել:
- Վերջերս շատ քիչ եմ անում․ ինչքան զբաղվածությունս մեծանում է, այնքան ավելի քիչ եմ դրան ժամանակ տրամադրում:
- Քանի՞ տղամարդու կոտրված սիրտ կա քո խղճին:
- Երբեք ինձ թույլ չեմ տվել հաշվել, կարծում եմ՝ սիրտ կոտրելը լավ բան չէ:Դ
- Քո կյանքի ո՞ր դրվագից կարելի է ֆիլմ ստանալ:
- Սկզբից մինչև վերջ ֆիլմ է՝ բավականին հարուստ, տարօրինակ, տխուր…
- Ինչո՞վ է տարբերվում հոթդոգը սենդվիչից:
- Սենդվիչի մեջ կարելի է վիտամիններով հարուստ մթերքներ օգտագործել, իսկ հոթդոգը միայն նրբերշիկ է, որը ես չեմ ուտում:
- Ի՞նչ կլինի այն մարդու հետ, ով կհամարձակվի վիրավորել քեզ:
- Ինձ վիրավորելն այնքան էլ հեչտ չէ, քանի որ առհասարակ չեմ լսի, ուշադրություն չեմ դարձնի, ուղղակի կպտտվեմ, կգնամ:
- Առաջին բանը, որ անում ես տուն մտնելուց հետո:
- Սովորություն ունեմ դրսի շորերով տանը ոչ մի բան չանել:
- Ուտեստ, որից երբեք չես հրաժարվում:
- Կարտոֆիլ, բայց աշխատում եմ տապակած չուտել, չնայած շատ եմ սիրում:
- Համբերություն, նպատասլացություն և՞․․․
- Ուժ:
- Ի՞նչ կուզես ունենալ, որ չունես:
- Այնքան բան կա, որ նույնիսկ չեմ թվի:
- Ամենասիրելի սպորտը։
- Ֆիգուն, որը ես վերջերս եմ բացահայտել ինձ համար։
- Խոստում, որը չեք կատարել։
- Չեմ հիշում այդպիսի բան, բայց աշխատում եմ կատարել:
- Ի՞նչ կփոխեիր քո արտաքինում:
- Ես անսպասելի ու արագ եմ փոխվում, բայց այս պահին ոչինչ չէի փոխի:
- Քնելուց առաջ մի բան, որ մշտապես անում ես:
- Անպայման մի քանի րոպե աուտոթերապիայով եմ զբաղվում:
- Քո բնավորության ո՞ր գծին արժե սիրահարվել:
- Լավատեսությանն ու ներքին ուժին:
- Ի՞նչ ծրագրեր ունես այսօրվա համար:
- Այս պահին «Արմենիա թիվի»-ում եմ, նկարահանվում եմ նոր հեռուստասերիալում, որը մարտից կլինի Պրեմիումի եթերում:
Բլից հարցերը՝ էմմա Վարդանյանի
