Bravo.am-ը գրում է.
Ինչպես նախորդ, այս Ամանորը եւս Ալեքսանդր Բաբասյանը դիմավորել է արտասահմանում: Դերասանն ընտանիքի հետ տարեվերջին կրկին մեկնել էր Շվեդիա եւ միայն օրեր առաջ է վերադարձել: Նա BRAVO.am-ին ասել է՝ փորձել են հնարավորինս գունեղ արձակուրդ անցկացնել, հավատում են` ինչպես սկսեն, այդպես էլ կանցնի ողջ տարին:
«2017-ին քիչ ժամանակ էինք հատկացրել Ստոկհոլմն ավելի լավ ճանաչելուն՝ ժամանակի մեծ մասն անցկացնելով ընկերներիս տանը, որը փոքր-ինչ հեռու է գտնվում քաղաքից: Որոշեցինք 2018-ը 3-ով դիմավորել՝ ես, կինս եւ երեխաս: 7 օր վայելեցինք, բացահայտեցինք Շվեդիայի մայրաքաղաքն ու հետո միացանք նրանց: Եղանք պատմական թանգարաններում, տեսարժան վայրերում եւ այլն: 18 օր անց վերադարձանք»,- ասել է Ալեքսանդրը:
Սկանդինավյան երկրները գրավում են դերասանին: Համոզված է` որքան երկար մնաս այնտեղ, այնքան ավելի շատ բան կսովորես ու կբացահայտես.«3-րդ այցս էր Շվեդիա: Միայն դրական ու լավ հիշողություններով եմ վերադարձել»:
Ամբողջական հոդվածը կարող եք կարդալ այստեղ
