Operativ.am -ը գրում է

Իտալիայում կատուն ժառանգություն է ստացել 30 հազար եվրո: Ունեցվածքի սեփականատերը, որը ժառանգաբար փոխանցվել է մի քանի օր առաջ մահացած տիրուհուց, դարձել է Ջերի կատուն, որն ապրում է Սաչալե քաղաքում (Ֆրիուլի-Վենետիկ-Ջուլիաի մարզ):  Այս մասին հայտնում է La Stampa թերթը:

Ավելի վաղ կինն ազգականներին ու մերձավորներին քանիցս հայտնել էր, որ կատուն իր կյանքի գլխավոր էակն է: Կտակի համաձայն, ընտանիքի անդամները կենդանու տկարության դեպքում պետք է բոլոր միջոցները ձեռնարկեն նրա բուժման համար՝ ընդհուպ մինչև թանկարժեք զարդերի ու հին թանկարժեք իրերի վաճառքը:

«Ջերի կատուն նրա սիրելին էր: Նա կատվին ավելի շատ էր սիրում, քան իր երեխաներին,-հրատարակությունը մեջբերում է հանգուցյալի դստեր խոսքը:- Մեզ մնում է միայն հարգել նրա ցանկությունը: Նա մեզ միշտ խրատում էր գնահատել բոլոր կենդանի էակներին, որպեսզի ապրենք անխռովության և Աստծո հավատքի մեջ, որի համար բոլորը հավասար են»: Կատուն արդեն տնօրինում է իր ժառանգությունը. նրա տրամադրության տակ կա չորս պառկելաթախտ, նա սնվում է մանր ծովախեցգետիններով, հաղորդել է ՏԱՍՍ-ը:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել