Կան տղամարդիկ, որոնց սիրահարվելը կամ նրանց հետ ամուսնանալն ուղղակի սխալ է հետագա կյանքի համար:
Հայացքով բռնաբարողներ
Այսպիսի տղամարդկանց աչքերն անընդհատ վերուվար են անում կանանց մարմնի վրա: Դա հիացած հայացքը չէ, որից կարելի է գնահատված զգալ: Դա միշտ վիրավորանքի է նմանվում:
Զզվող տղամարդիկ
Այդպիսիք երբեք չեն խմի կնոջ բաժակից: Նրանք ուրիշի իրերը բռնում են երկու մատով այնպես, ասես սատկած գորտ են բռնել: Սա բացարձակ մաքրասիրության մասին չի խոսում, այլ՝ բծախնդրության:
Selfie-man
Կան մարդիկ, որոնք ունեն դեմքի արտահայտություն, որը նրանց ամենաշատն է սազում: Դա նրանց սիրած և նախընտրելի արտահայտությունն է: Նրանք միանգամից դեմքը փոխում են այդ արտահայտությամբ, հենց հայտնվում են ֆոտոխցիկի առաջ: Եվ հայելու մոտով նրանք անցնում են բարձր գնահատական տվող հայացքով, կարծես ինքնասիրահարված լինեն:
Լպրծուն տիպ
Կան տղամարդիկ, որ առիթը բաց չեն թողնում ընկերուհիներին ինչ-որ տեղից կսմթելու, գրկելու, այնքան ուժեղ գրկելու ու թափ տալու: Կանայք լավ են հասկանում՝ երբ են նման ժեստերը չափն անցնում, այնպես որ, այդիպիսի տղամարդիկ թող հույս չունենան, որ այդ «մտերմությունն» աշխատում է:
Ժլատ
Կան տղամարդիկ, որոնք ուղղակի փող չունեն, բայց կան այնպիսիք, որոնք այնքան էլ ծախսելու ցանկություն չունեն: Այդպիսի տղամարդկանց կանայք սովորաբար չեն էլ սիրում: Ժլատությունը անցողիկ չէ:
Տղամարդիկ, որոնց համար բոլոր կանայք նույնն են
Կան տղամարդիկ, որոնց համար բոլոր կանայք վատն են, անբարոյական են, հիմար են և, ընդհանուր առմամբ, նույնն են: Նրանք իրենց մի անգամ չստացված հարաբերություններում մեղադրում են կանանց և բոլորին համարում վատ և փողի ձգտող: Չնայած այդ դեպքերում տվյալ տղամարդիկ նույնիսկ փող չեն ունենում:
Վախկոտ
Տղամարդիկ, որոնք ամեն ինչից վախենում են, ևս կանանց չեն գրավում: Տղամարդը պետք է կնոջը ստիպի զգալ պաշտպանվածություն: Իսկ եթե ինքն է վախենում, էլ ինչ պաշտպանելու մասին է խոսքը:
