«Մինչ քաղաքական մեկնաբանները և դիտորդները սրված ուշադրությամբ սպասում են Նալբանդյան-Մամեդյարով հերթական հանդիպմանը՝ ադրբեջանական մամուլում տեսակետ է շրջանառվել, որ պաշտոնական Բաքուն պետք է հրապարակայնացնի ԼՂ կարգավորման միջնորդական առաջարկությունները՝ սկսած 2009 թվականից:
Նման տեսակետ է հնչեցրել քաղտեխնոլոգիական նորարարությունների կենտրոնի տնօրեն Մուբարիզ Ահմեդօղլուն: Նրա կարծիքով՝ «դա հուժկու հարված կլինի ԵԱՀԿ Մինսկի խումբ-Հայաստան համագործակցությանը»: Հայտնի է, որ Հայաստանը մշտապես հայտարարում է, որ ԼՂ հարցում իր և ՄԽ համանախագահության մոտեցումները համահունչ են: Ըստ երևույթին, Ահմեդօղլուն հենց դա նկատի ունի: Ադրբեջանցի քաղտեխնոլոգի խոսքում ամենահետաքրքրականն այն է, որ նա հիշեցնում է Հեյդար Ալիևի նախադեպը, երբ վերջինս 2001թ. գնաց աննախադեպ քայլի՝ Միլլի մեջլիսում կազմակերպելով ԼՂ հարցով բաց լսումներ: Այդ ընթացքում նա գրեթե գաղտնազերծեց Քի Ուեսթի բանակցությունները: Դա կատարվել էր նպատակադրվածությամբ: Ըստ էության, այդ խորհրդարանական լսումներով փակվեց Քի Ուեսթի պայմանավորվածությունների թեման:
Բանակցություններում ստեղծվեց վակուումային իրավիճակ: Ինչպես տեսնում ենք, այսօր առաջարկվում է, որ Ադրբեջանը միակողմանիորեն գաղտնազերծի 2009թ. ի վեր ԼՂ կարգավորման միջնորդական բոլոր առաջարկությունները: Դիտարժան է, որ Ահմեդօղլուն հատկապես շեշտադրում է Կազանի փաստաթուղթը հրապարակայնացնելու անհրաժեշտությունը: Պետք է, թերևս, ենթադրել, որ Բաքվում նման տրամադրությունների դրսևորմանը նպաստել է ՌԴ ԱԳ նախարար Լավրովի հայտարարությունը, որ Ռուսաստանը չունի ղարաբաղյան կարգավորման հատուկ ծրագիր: Բացառված չէ, որ փակուղում հայտնվելով՝ Ադրբեջանն իրոք կարող է գաղտնազերծել ԼՂ կարգավորման միջնորդական առաջարկությունները: «Դրանք մեզ կարող են անհարմարություններ պատճառել»,- ասել է Ահմեդօղլուն:
Բայց նման քայլը կարող է ունենալ ներքաղաքական նշանակություն. Իլհամ Ալիևը գնում է նախագահական ընտրությունների և նրան, երևի, խիստ անհրաժեշտ է սեփական հանրությանը ներկայանալ որպես ԼՂ հարցում Ադրբեջանին անհարմարություններ պատճառող առաջարկությունները մերժող «համազգային առաջնորդ»,-գրում է թերթը:
Նյութն ամբողջությամբ կարդացեք թերթի այսօրվա համարում:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
