168.am -ը գրում է

Ամերիկացի գիտնականները պարզել են, որ սննդի մեջ չափազանց քանակությամբ աղի գործածումը փոփոխություններ է առաջ բերում աղիների համակարգում, որոնք մարդու ճանաչողական գործառույթների դեգրադացիայի են հանգեցնում: Համապատասխան հետազոտությունը հրապարակված է Nature Neuroscience-ում։
Մասնագետները ցույց են տվել, որ երեք շաբաթվա ընթացքում նատրիումի քլորիդի

չարաշահումը հանգեցնում է էնդոթելային ֆունկցիայի խանգարման, ուղեղի արյան հոսքի նվազման եւ ճանաչողական խանգարումների, բայց չի փոխում զարկերակային ճնշումը:

Գիտնականները նման եզրակացությունենրի են հանգել մկներին դիտարկելու ընթացքում: Ստացված արդյունքները, նշում են հեղինակները, ճիշտ են նաեւ մարդկանց համար: Մասնագետները նկատել են, որ բարձրաղային սննդակարգի բացասական հետեւանքները վերանալու հնարավորություն են ունեցել կրծողներին սնման նորմալ ռեժիմի վերադարձնելու դեպքում:

Առողջապահության համաշխարհային կազմակերպությունը խորհուրդ է տալիս օրական գործածել հինգ գրամ աղից ոչ ավելի: Նշվում է, որ մարդու կողմից աղի գործածումն օրական մինչեւ հինգ գրամ նվազեցումը կարող է տարեկան մոտավորապես 2,5 միլիոն մահեր կանխել:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել