Տեխնոլոգիաները, որ հիմա գրավել են մեր աշխարհը, ստեղծվել են դեռևս 100 տարի առաջ և հենց այդ գիտնականներին ենք մենք պարտական անգամ հասարակ լամպի լույսի համար:
Նման գիտնականներից մեկը, որ փոխել է և էլի կարող էր փոխել մեր կյանքը, Նիկոլա Տեսլան է: Ներկայացնում ենք նրա գյուտերից, որոնք հավերժ կփոխեին մեր կյանքը:
Անվճար էլեկտրականություն բոլորի համար
1901-1902 թվականներին նա կառուցեց Ուորդենկլիֆ աշտարակը: Աշտարակը սկզբում ուներ անլար կապ ստեղծելու նպատակ, բայց Տեսլան ավելի հեռատես նպատակներ ուներ: Նա ցանկանում էր մարդկանց ապահովել մշտական անվճար էլեկտրականությամբ: Բայց, իհարկե, այդ միտքը շատերին կզրկեր գումարից, և հովանավորել այն ոչ ոք չցանկացավ:
Տեսլայի թռչող ափսեն
1911 թվականին նա լրագրողներին հայտնեց, որ պատրաստվում է թռչող սարք ստեղծել, որը աշխատելու է համակարգի ազատ էներգիայի հիմքով, բայց հովանավորներ կրկին չգտնվեցին:
Գերարագ դիրիժաբլներ
Նա միտք ուներ այնքան արագացնել դիրիժաբլները, որ 3 ժամում Նյու Յորքից Լոնդոն հասնելու հնարավորություն լինի: Գումար նա այս միտքն իրականացնելու համար չստացավ, բայց դա հիմք հանդիսացավ մեր օրերում թռչող սարքեր ունենալու համար: Շատերը կարծում են, որ Տեսլայի մահից հետո նրա գրառումներն ու գյուտերն ուղղակի գողացվել են:
Նա նաև մտածում էր իրականացնել «մահվան ճառագայթը», ինչի միջոցով կարող էին ոչնչացվել պատերազմական բանակներն ու ինքնաթիռները: Բայց հետո նա չիրականացրեց դա՝ մտածելով, որ ճառագայթը կարող է շատ վտանգավոր լինել:
