Ներկայացնում ենք հրաշալի ուտեստ՝ բազմաշերտ պիցցա-տորթ:
Բաղադրիչներ՝
- Ցորենի ալյուր՝ 600 գ
- Ձու՝ 1 հատ
- Խմորիչ՝ 1,5 թ/գ
- Ջուր՝ 250 մլ
- Ձիթապտղի յուղ՝ 60 մլ
- Պինդ պանիր՝ 300 գ
- Շամպինյոն՝ 400 գ
- Սալյամի՝ 400 գ
- Վետչինա՝ 300 գ
- Աղ՝ ըստ ճաշակի
- Սև աղացած պղպեղ՝ ըստ ճաշակի
- Չոր ռեհան՝ 1 ճ/գ
- Շաքարավազ՝ 1 թ/գ
- Տոմատով սոուս՝ 100 գ
Պատրաստումը՝
1. Խառնեք չոր խմորիչը և ալյուրը, տաք ջուր ավելացրեք, շաքարավազ, մեկ պտղունց աղ, ձու, ձիթապտղի յուղ: Խմոր արեք, ծածկեք սրբիչով և թողեք 30 րոպե:
2. Խմորը 6 մասի բաժանեք: Մի կտորը մի կողմ դրեք, մյուսները բացեք մոտ 20-25 սմ-անոց շերտերի: Կամ արեք, ինչպես նկարում․ շրջանակներ կտրեք:
3. Մինչև 180 աստիճան տաքացած ջեռոցում 5-7 րոպե եփեք շերտերը: Խմորի մնացած մասը բացեք ջեռոցի ձևամանի բարձրության չափով: Այն դրեք ձևամանի ներսի մասում: Ձևամանի վրա նախապես պերգամենտ դրեք:
4. Երշիկը կլոր կտրեք, պանիրը քերեք, սունկը կտրեք շերտերով:
5. Ձևամանի հատակին դրեք առաջին շերտը, վրան սոուս քսեք, պղպեղ և աղ արեք, ռեհան: Վրան դրեք միջուկի մասերը: Երկրորդ շերտը դրեք, նույնը կրկնեք, մինչև խմորի շերտերը վերջանան: Կողքի խմորով ծածկեք վրայի շերտի ծայրերը:
6. Պիցցա-տորթը դրեք ջեռոցը 20 րոպեով 180 աստիճանի տակ: