Bravo.am-ը գրում է.
Իրինա Հարությունյանը տարեմուտն ընտանիքի հետ դիմավորել է Ծաղկաձորում, իսկ մինչ այդ կրտսեր որդու հետ Ամանորի թեմատիկայով լուսանկարահանման է մասնակցել: Թե ինչպես են անցել տոնական օրերը, ֆոտոշարքին ինչու չեն մասնակցել մեծ տղան եւ ամուսինը, ինչ կարեւոր առիթ են նշել օրերս, եւ թե ինչպիսին են հարաբերությունները սերիալային գործընկերների հետ, դերասանուհին պատմել է BRAVO.am-ին:
«Մեր ընկերական մեծ շրջապատով շատ լավ ձմեռային օրեր անցկացրինք Ծաղկաձորում, թեեւ ձյուն այնքան էլ չկար: Աղմկոտ ու շատ ակտիվ ենք սկսել տարին, հուսամ` այդպես էլ կանցնի ողջ 2018-ը»,-ասել է նա եւ հավելել, որ այս անգամ հնարավորություն են ունեցել հեռու մնալ խոզի բդից եւ բլինչիկներից. «Այլ ձեւով պլանավորեցինք մեր հանգիստը, ինչի շնորհիվ խուսափեցինք տարեցտարի կրկնվող երեւույթներից, նույն քաղցրավենիքով միմյանց տուն գնալուց եւ այլն: Այլեւս չենք բողոքի հետտոնական դեպրեսիայից, չենք ասի, որ հունվարը դժվար է անցնում»:
Իսկ տոնածառը դերասանուհին սիրով է զարդարել եւ Նոր տարուց օրեր առաջ. «Սիրում եմ տոնական ծառը դնելու, լույսերը վառելու, դռները բացելու գեղեցիկ ավանդույթները, որոնք պարտադրողական չեն»:
Ամբողջական հոդվածը կարող եք կարդալ այստեղ
