Հունաստանի իշխանությունները հայտարարել են, որ նախքան ինքնասպան լինելը սիրահարները սատանիստական ծիսակարգ են իրականացրել։
Հունական Քեֆալինիա կղզում՝ սեփական տներից մեկում, ոստիկանությունը երկու երիտասարդի դիակ է հայտնաբերել՝ 23-ամյա Լիլյա Բոտուշևայի՝ Բուլղարիայից, և 30-ամյա Թորսթեն Ֆոխմանի՝ Գերմանիայից։
Ինչպես հաղորդել են քննիչները, երիտասարդների բնակարանը բառացիորեն ներծծված է եղել արյամբ, իսկ սենյակում, որտեղ մահացել են զույգերը, նկարված պատկերագիր և մոմեր են գտնվել։ Ըստ նրանց վարկածի՝ սիրահարները սատանիստական ծիսակարգ են իրականացրել, որից հետո առաջինն իրեն զոհաբերել է աղջիկը, ապա՝ տղան։
Հունական ԶԼՄ-ներին հայտնի է դարձել, որ Բոտուշևան մեկնել է սովորելու Գերմանիայում, այնուհետև անցյալ տարվա հունիսին անհետ կորել է, նրան փնտրել է Ինտերպոլը։ Քեֆալիա կղզի զույգը ժամանել է վարձակալած, կեղծ համարանիշներով մեքենայով։