Ավստրալիայի օդերևութաբանական ծառայությունը Սիդնեյում գրանցել է 47 աստիճան շոգ, ինչը հանդիսանում է վերջին մոտ 80 տարում ամենաբարձր ջերմաստիճանը։ Այս մասին հաղորդվում է Նոր Հարավային Ուելս նահանգի օդերևութաբանական բյուրոյի թվիթերյան էջում։

Վերջին անգամ նման ջերմաստիճան Սիդնեյում հաստատվել էր 1939 թվականին։

Image result for sidney hot weather

Իշխանությունները բնակիչներին նախազգուշացրել են հրդեհի բարձր վտանգավորության մասին և լիարժեք արգելք սահմանել բարձր ջերմաստիճանային գոտիներում կրակ վառելու վրա։

Ինչպես հայտնում է ABC հեռուստաալիքը, շոգի պատճառով մի քանի մարդ է հոսպիտալացվել։

Related image

Սիդնեյում թենիսի միջազգային մրցաշարի կազմակերպիչները ստիպված են եղել առավոտյան ժամը 10-ին դադարեցնել մրցույթը, քանի որ շոգը գերազանցել է 40 աստիճանը։

Շաբաթ օրը մի քանի հրդեհներ են գրանցվել Վիկտորյա և Հարավային Ավստրալիա նահանգներում։

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել