Shamshyan.com-ը գրում է․

Այսօր հունվարի 3-ին, արտակարգ դեպք է տեղի ունեցել Լոռու մարզում: Ժամը 03:30-ից 05:00-ն ընկած ժամանակահատվածում պայթյուն է տեղի ունեցել Մեծ Պարնիի գյուղապետարանի շենքում:

Ինչպես դեպքի վայրից հայտնում է ֆոտոլրագրող Գագիկ Շամշյանը, ըստ նախնական տեղեկությունների, պայթյունի հետևանքով զոհեր և վիրավորներ չկան: Պայթյունի հետևանքով գյուղապետարանի շենքն ամբողջովին վերածվել է ավերակի և այն արդեն ոչ պիտանի է:

Ըստ նախնական տեղեկությունների, պայթյունի պատճառը եղել է գազի արտահոսքը: Պայթյունի հետևանքով փլուզվել են շենքի ներսի պատերը, վնասվել առաստաղը: Դեպքի վայր են ժամանել Արտակարգ իրավիճակների նախարարության փրկարար ծառայության Լոռու մարզի փրկարարական ջոկատը, ոստիկանության Սպիտակի բաժնի օպերատիվ խումբը: Դեպքի մասին տեղեկացվել է նաև Լոռու մարզպետ Արթուր Նալբանդյանին և «Գազպրոմ» ընկերությանը: 

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել