Գիտնականները կարողացել են գենետիկորեն փոխել մկներին, որպեսզի դրանք բուժվեն խլությունից: Հիմա նրանք պատրաստվում են նման պրոցեդուրա կատարել մարդկանց վրա: Այս մասին հայտնում է The Telegraph-ը:
Ներարկման միջոցով «գեն-խմբագիրը» ներթափանցել է նորածին կրծողների ականջի բջիջների մեջ, ինչը գիտնականներին հնարավորություն է տվել «անջատել» մուտանտ գենը, որը դրանց ժամանակի ընթացքում կզրկեր լսողությունից: 4-շաբաթական տարիքում չմշակված մկները չեն կարողացել լսել 80 դեցիբել՝ քաղաքային երթևեկության մակարդակի ձայնը:
Իսկ մշակված մկներն արձագանքել են 65 դեցիբելից ցածր՝ մարդկային նորմալ խոսակցության մակարդակի ձայնին:
Գիտնականների խոսքով՝ լսողության կորստի դեպքերի մոտ կեսը մարդկանց դեպքում նույն գենետիկ պատճառն ունի: TMC1 մուտացիայով մարդիկ սովորաբար սկսում են լսողությունը կորցնել 5-30 տարեկանում, մեծամասնությունը խլանում է 50-60 տարեկանում:
