«ՀՀ-ն հաստատակամ է ապահովելու ժողովրդավարական բարեփոխումների առաջընթացը»,- այս մասին նշել ԱԺ նախագահ Արա Բաբլոյանը՝ այսօր ՆԱՏՕ-ի գլխավոր քարտուղարի տեղակալ Ռոուզ Գոթեմոլլերի հետ հանդիպմանը։
ԱԺ հանրային կապերի վարչության փոխանցմամբ՝ Բաբլոյանը փաստել է, որ ՆԱՏՕ-ի խորհրդարանական վեհաժողովի հետ համագործակցությունը կրելու է շարունակական բնույթ՝ ի նպաստ կայունության և անվտանգության հաստատման ու ժողովրդավարության զարգացման:
ՆԱՏՕ-ի գլխավոր քարտուղարի նշել է, որ մեծ պատիվ է այցելել ՀՀ Ազգային ժողով: Նա ողջունել է Հայաստանում ընթացող բարեփոխումները, անցումը խորհրդարանական կառավարման համակարգին, խորհրդարանի վերահսկողական գործառույթի արդյունավետության բարձրացումը:
Անդրադառնալով ՀՀ Ազգային ժողովի կողմից վավերացված «Հայաստանի Հանրապետության և ՆԱՏՕ-ի ապահովման և մատակարարման կազմակերպության միջև համագործակցության աջակցության մասին» համաձայնագրին՝ Ռոուզ Գոթեմոլլերը կարևորել է Գերմանիայի կառավարության աջակցությամբ Վստահության հիմնադրամի կողմից իրականացվելիք ծրագրերը, որոնք մասնավորապես վերաբերում են հին զինտեխնիկայի ոչնչացմանը, տարածքների ականզերծմանը:
ՆԱՏՕ-ի գլխավոր քարտուղարի տեղակալը ընդգծել է համագործակցության խորհրդարանական ձևաչափի աշխուժացման անհրաժեշտությունը:
