Սիրո՞ւմ եք ձեռագործ իրեր պատրաստել։ Եթե այո, ապա ձեռքի տակ առեք բոլոր անհրաժեշտ իրերը, քանի որ այսօր ձեզ ենք ներկայացնում, թե ինչպես ամենահասարակ իրերով պատրաստել ձնեմարդուկներ։
Վերցրեք մեկանգամյա օգտագործման համար նախատեսված բաժակներ և իրար ամրացրեք այնպես, որ երկու մեծ և փոքր գունդ ստանաք։ Այնուհետև երկու գնդերը միացրեք միմյանց, ավելացրեք քիթ, բերան, աչքեր, գլխարկ ու շարֆ։
Վերցրեք թաղարներ կամ կրկին մեկանգամյա օգտագործման բաժակներ, շուռ տվեք, վրան ներկերով ձնեմարդու դեմք նկարեք և հագցրեք փոքրիկ գլխարկ կամ անպետք գուլպա։
Այլևս դեն չնետեք գինու շշի խցանները։ Դրանք ներկեք սպիտակ, վրան կրկին աչքեր, քիթ ու բերան նկարեք և ձևավորեք այնպես, ինչպես ցանկանում եք։
Սա հավանաբար ամենահեշտ տարբերակն է, որն անգամ բացատրության կարիք չունի։
Վերցրեք սպիտակ գուլպա, մեջը լցրեք բրինձ կամ բամբակ, ապա երեք տեղից այնպես կապեք, որ ստացվի ձնեմարդ։ Իսկ մյուս ձևավորումները թողնում ենք ձեր հայեցողությանը։
Նմանատիպ ևս մի քանի տարբերակ։
Երեխաներին հաստատ դուր կգան այս ձնեմարդուկները, որոնց համար հիմնականում անհրաժեշտ են մեկանգամյա օգտագործման ափսեներ, գունավոր թղթեր և կոճակներ։
Մոմերին տոնական տեսք հաղորդելու համար դրանց կերպարանափոխեք և դարձրեք ձնեմարդուկներ։
Ունե՞ք ավելորդ ամրակներ։ Շտապեք դրանք էլ ներկել սպիտակ ու վրան նկարել ձնեմարդուկներ։ Սակայն այլևս սրանք պիտանի չեն հագուստ կախելու համար, քանի որ ներկը կարող է անցնել կտորի վրա։
Սրանք ամենահամեղ ձնեմարդուկներն են։ Մարշմելոուները շարեք ձողիկի վրա ու ձևավորեք։ Չմոռանաք գլխին շոկոլադե կոնֆետ դնել։
/marshmallow-snowmen-1500-58ae092f5f9b58a3c91df863.jpg)
Շարքից դուրս եկած լամպը դեն նետելու փոխարեն կարող եք օգտագործել ամանորյա գեղեցիկ զարդարանք պատրաստելու նպատակով։ Դրա գլխի հատվածում խցան ավելացրեք, իսկ վզին շարֆ գցեք։ Կարող եք նաև գլխարկ հագցնել։
Փաստորեն, մետաղյա խցաններն էլ կարող են երկրորդ կյանք ունենալ։ Պարզապես սոսնձով ամրացրեք իրար և ձնեմարդուկի դեմք նկարեք։
