Aysor.am-ը գրում է.
Թուրքիան պահպանում է Հայաստանի հետ հարաբերությունների նորմալացմանն ուղղված դիրքորոշումը և պատրաստ է բարենպաստ քաղաքական մթնոլորտում վավերացնել հայ-թուրքական արձանագրությունները, նշվում է Թուրքիայի արտգործնախարարության հաղորդագրության մեջ, փոխանցում է РИА Новости գործակալությունը:
«Հայկական կողմի պնդումները չեն արտացոլում իրականությունը և ուղղված են ապակողմնորոշելու միջազգային հանրությանը: Թուրքիան ջանքեր է գործադրում տարբեր մակարդակներում Հայաստանի հետ հարաբերությունները նորմալացնելու ուղղությամբ՝ 1991 թվականին Հայաստանի անկախության հռչակման պահից սկսած: Չնայած հայ-թուրքական արձանագրությունների վերաբերյալ Հայաստանի բացասական դիրքորոշմանը՝ Թուրքիան կողմնակից է դրանց հիմնական դրույթների իրականացմանը:
Այդ արձանագրությունները նախկինի նման այժմ գտնվում են Թուրքիայի խորհրդարանի արտաքին հրաբերությունների հարցերով հանձնաժողովի օրակարգում: Դրանք վավերացնելու համար կարևոր է Հարավային Կովկասում ապահովել բարենպաստ քաղաքական մթնոլորտ և խաղաղություն», - նշվում է Թուրքիայի ԱԳՆ-ի կողմից տարածած հայտարարության մեջ:
Ամբողջական հոդվածը կարող եք կարդալ այստեղ։
