Հաճելի ժպիտով էին ուղեկցում Կոպենհագենի բնակիչները հնամաշ վերարկու հագած այդ մարդուն: Բոլոր դանիացիք գիտեին, որ սիրելի Հանս Քրիստիան Անդերսենը շատ ցրված մարդ է և ոչ մի ուշադրություն չի դարձնում իր հագուստների վրա:
Միայն մի խանութպան, որին ոչ մի աղքատ չէր սիրում, փորձեց ծաղրել Անդերսենին:
Կիրակի օրը, հագնելով իր ամենաընտիր կոստյումը և հպարտորեն քայլելով փողոցում, նա կանգնեցրեց Անդերսենիին և հարցրեց.
-Ասացեք, խնդրեմ, պարոն հեքիաթասաց, այդ անպետքությունը, որ Ձեր գլխին է, Դուք գլխա՞րկ եք անվանում:
Լսելով այդ խոսքերը` մեծ հեքիաթասացը պատասխանեց.
-Ասացեք, խնդրեմ, պարոն խանութպան, իսկ այդ ոչնչի պետք չեկող առարկան, որ Ձեր գլխարկի տակ է, Դուք գլո՞ւխ եք համարում: 
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել