Ամանորին ու Սուրբ ծննդյանը հաշված օրեր են մնացել։ Շատերն արդեն սկսել են ամանորյա գնումներ կատարել և պատրաստվել նոր տարին դիմավորելուն։
Մարդիկ ամեն տարի փորձում են իրենց ամանորյա սեղանը դարձնել հնարավորինս տարբերվող ու գեղեցիկ, ինչպես նաև համեղ ուտելիքներով լի։ Այսօր ձեզ ենք ներկայացնում մի քանի հետաքրքիր և յուրօրինակ եղանակներ, թե ինչպես զարդարել ամանորյա սեղանը, որպեսզի ձեր հյուրերը հաճելիորեն ապշեն։
Տոնական թխվածքաբլիթներ
Այս գեղեցիկ թխվածքաբլիթները պատրաստելու համար կարող եք օգտագործել ցանկացած թխվածքաբլիթի բաղադրատոմս։ Ամենակարևորն այն գեղեցիկ զարդարելն է, ինչը հնարավոր է միայն պայծառ երևակայության առկայության դեպքում։ Կարող եք ինքներդ տոնածառներին ավելացնել այլ դետալներ և գույներ։
Ահա նաև այլ տարբերակներ․
Ամանորյա քափքեյքներ
Գեղեցիկ ու միաժամանակ շատ համեղ են քափքեյքները, այն էլ՝ ամանորյա ձևավորումներով։ Սրանք պատրաստելու համար էլ կարող եք օգտագործել ցանկացած տորթի կամ բիսկվիթի բաղադրատոմս։ Չոռանաք գեղեցիկ զարդարել։ Ահա մի քանի հետաքրքիր տարբերակներ․
Դանակն ու պատառաքաղը
Կրկին չգիտե՞ք՝ ինչպես զարդարել դանակն ու պատառաքաղը կամ ինչպես ծալել անձեռոցիկը։ Կարող եք գնել կամ ինքներդ գործել Ձմեռ պապի փոքրիկ գուլպաներ և դրանց մեջ դնել դանակն ու պատառաքաղը։ Ահա մի քանի նմանատիպ տարբերակներ․
Անձեռոցիկները
Եթե այնուամենայնիվ ցանկանում եք անձեռոցիկները հետաքրքիր ձևով ծալել, ապա ահա մի քանի հետաքրքիր տարբերակ։
Միրգը
Եթե հոգնել եք ամեն տարի մրգերը նույն տարայի մեջ դնելուց, ապա այս տարի մի կողմ դրեք այդ տարան, կտրատեք մրգերն ու գեղեցիկ զարդարանքներ պատրաստեք։ Մի զլացեք ու մրգե տոնածառեր պատրաստեք, դրանք հաստատ կտպավորեն բոլորին։ Մրգերը զարդարելու ևս մի քանի տարբերակ․
Զարդարանքները
Մի մոռացեք, բացի ուտելիքից, սեղանի վրա դնել նաև գեղեցիկ զարդարանքներ, որոնք միասնության մեջ շքեղ տեսք կհաղորդեն սեղանին։ Ահա մի քանի շատ հեշտ բաներ, որ ինքներդ էլ կարող եք պատրաստել։