168.am-ը գրում է.
Ռուսաստանի նախագահ Վլադիմիր Պուտինը դեկտեմբերի 11-ին ժամանել է Սիրիայում գտնվող «Հմեյմիմ» ռուսական ավիաբազա, տեղեկացնում է «Ինտերֆաքս»-ը:
Ավիաբազայում պետության ղեկավարին դիմավորել են Սիրիայի նախագահ Բաշար Ասադը, ՌԴ պաշտպանության նախարար Սերգեյ Շոյգուն եւ Սիրիայում գործող ռուսական զորախմբի հրամանատար Սերգեյ Սուրովիկինը:
Ավելի վաղ Կրեմլում հայտնել են, որ դեկտեմբերի 11-ին ՌԴ նախագահը կայցելի Եգիպտոս եւ Թուրքիա:
Ելույթ ունենալով ավիաբազայի զինծառայողների առջեւ՝ ՌԴ զինված ուժերի գերագույն գլխավոր հրամանատար Պուտինը հրամայել է սկսել ռուսական զորախմբի դուրսբերումը Սիրիայից:
«Պաշտպանության նախարարին, գլխավոր շտաբի պետին հրամայում եմ՝ ձեռնամուխ լինել ռուսական խմբավորման զորքերի դուրսբերմանը նրանց մշտական տեղաբաշխման վայրեր»,-հայտարարել է Պուտինը:
Դեկտեմբերի 6-ին ՌԴ գլխավոր շտաբը հայտարարել է, որ Սիրիան ամբողջությամբ ազատագրված է ահաբեկիչներից, ԴԱԻՇԻ-ի բոլոր ելուզակախմբերը ոչնչացված են:
