Tert.am-ը գրում է.
Դեկտեմբերի 6-ին Գյումրու «Հոկտեմբեր» կինոթատրոնի դահլիճում ներկայացվեց «Գյումրին առանց տնակների» հիմնադրամի գործունեության տարեկան հաշվետվությունը:
Ամփոփելով հիմնադրամի գործունեությունը կառույցի գործադիր տնօրեն Ղարիբ Հարությունյանը նշեց, որ իր գործունեության ընթացում հիմնադրամը տրամադրել է 27 սոցիալական բնակարան:
Հիմնադրամի հոգաբարձուների խորհրդի նախագահ, Շիրակի թեմի առաջնորդ Միքայել եպիկոպոս Աջապահյանը նշեց՝ հիմնադրամը դեռ շատ անելիքներ ունի: «Սա մեր բոլոր խարանն է», - ասաց նա՝ խոսելով Գյումրիում տնակներում բնակվող ընտանիքների խնդրի մասին և շեշտելով այն լուծելու համար համախմբվելու և սեփական լուման ներդնելու կարիքը:
Հաշվետվության ներկայացումից հետո տեղի ունեցավ հիմնադրամի կողմից պատրաստված օրացույցի շնորհանդեսը: Գնելով օրացույցները` ներկաներն իրենց փոքրիկ ներդրումն ունեցան Գյումրու` տնակներում ապրող ևս մեկ ընտանիքի համար բնակարան ձեռք բերելու գործում:
Ամբողջակցան հոդվածը կարող եք կարդալ այստեղ
