Օրեր առաջ ԱՄՆ Նյու Յորք քաղաքի բնակիչներն ու այցելուները սարսափել էին․ մի խանութի ապակյա ցուցափեղկի ետևում անվասայլակով երեխա էր դրված։ Մարդկանց թվացել էր, թե դա իրական երեխա է, ով խանութի տերերի կողմից շահագործվում է գովազդի համար։ Բայց իրականում ոչինչ այդպես չէր։
Պարզվեց՝ դա քանդակագործ Դուեյն Հենսոնի «Երեխան՝ անվասայլակում, 1983» քանդակն է։ Արձան երեխայի հագին կապույտ ու սպիտակ շապիկ է և կապույտ տաբատ։ Շապիկի վրա գրված է․ «Ձեր միջից նա, ով մեղք չի գործել, թող առաջինը քար նետի»։
Մանհեթենի Ամերիկյան ժառանգության աճուրդի ընկերության ղեկավարն ասել է, որ «Երեխան՝ անվասայլակում, 1983» քանդակը գնահատվում է 80,000-ից մինչև 120,000 ԱՄՆ դոլար։ «Անցորդներին թվացել էր, թե երեխան վտանգի մեջ է, բայց իրականում սա արվեստի թանկաժեք գործ է»,- ասել է նա՝ գնահատելով մարդկանց կողմից ցուցաբերած բարեսրտությունը։
Քանդակագործ Դուեյն Հենսոնի բոլոր աշխատանքները գերիրական տեսք ունեն, և այդ պատճառով էլ մարդիկ չեն կարողացել տարբերել արձանն իրական երեխայից։ Եթե նայեք նրա մյուս քանդակներին, կրկին մի պահ չեք կարողանա գլխի ընկնել, որ դրանք ընդամենը հատուկ նյութերից քանդակված արձաններ են և ոչ իրական մարդիկ։
