Դեկտեմբերի 6-ին ԱՄՆ նախագահ Դոնալդ Թրամփի կողմից արված հայտարարությունն այն մասին, որ ԱՄՆ-ն Երուսաղեմը ճանաչում է Իսրայել պետության մայրաքաղաք և մոտակա տարիներին իր դեսպանատունը կտեղափոխի Թել Ավիվից երեք կրոնների «մայրաքաղաք», բուռն արձագանք գտավ միջազգային հանրության մոտ։
Միջազգային հանրությունից փորձեցին հետ չմնալ նաև մեր արևելյան հարևանները։ Պաշտոնական Բաքուն ԱԳՆ-ի մակարդակով հայտարարել է, որ նա կողմ է, որպեսզի Երուսաղեմը բաժանվի երկու մասի. Արևմտյան մասը դառնա Իսրայելի, իսկ Արևելյան մասը՝ Պաղեստինի մայրաքաղաք։
Զարմանալի արարածներ են մեր հարևան ազերները։ Հայտարարություն են անում մի բանի մասին, որն, ինչպես ասում են, «и ежу ясно»։ Լրիվ հեքրաթային հերոս Քաջ Նազարին բնորոշ հայտարարություն էր։ Հիշո՞ւմ եք, վերջինս հրամայեց, որ արևը ծագի արևելքից և մայր մտնի արևմուտքում։ Բաքուն էլ կրկնեց այն, ինչը բազմիցս է բարձրաձայնվել 1948 թ․-ից ի վեր։ Տեսնես Թել Ավիվում լսելո՞ւ են Բաքվից հնչող հորդորներին։ Իլհամ բաբան իր հասարակությանը համոզել է, որ համաշխարհային նշանակություն ունեցող գործիչ է և պահեհ-անպատեհ մեկնաբանում է ամեն ինչ, որտեղ չի տեղավորվում։ Ու այս ամենի արդյունքում դառնում է ծիծաղի առարկա, բայց զոմբիացած սեփական հասարակությունը հավատում է Մեհրիբանի կողակցին, որ վերջինս ժամանակակից Մակեդոնացին է։
