«Սերգեյ Լավրովի խոսքերը որևէ կապ չունեն իրականության հետ: Բրյուսելում կայացած «Արևելյան գործընկերության» 5-րդ գագաթնաժողովի ընթացքում քննարկված հարցերի շրջանակից, ստորագրված փաստաթղթերի բովանդակությունից պարզ է դառնում, որ Եվրամիությունը Ռուսաստանի հետ կոնֆլիկտի չգնալու նպատակով փորձում է զիջումային տարբերակներով շարունակել Արևելյան գործընկերություն ծրագիրը»,- «168 ժամի» թղթակցի հետ զրույցում այս մասին ասել է լեհ քաղաքագետ Կոնրադ Զաշտովտը՝ անդրադառնալով Մինսկում ՌԴ ԱԳ նախարար Սերգեյ Լավրովի տված հարցազրույցին: Ըստ նրա՝ դրա վառ ապացույցը կարճաժամկետ ծրագրերն են, փաստաթղթերի բովանդակությունը, Հայաստանի հետ կնքված Համապարփակ և ընդլայնված գործընկերության համաձայնագիրը, դանդաղ զարգացումը: «Սերգեյ Լավրովը շեշտը դնում է Թերեզա Մեյի ելույթի վրա: Եվրամիությունում կան և հակառուսական, և ռուսամետ տրամադրված գործիչներ, ռուսամետ երկրներ և հակառուս երկրներ: Անհատ գործիչների ելույթներում նրանց այդ տրամադրվածությունը նկատվում է, ըստ դրա՝ այդ գործիչները քաղաքականություն են առաջարկում, քաղաքականություն են վարում, սակայն Եվրոպական հանձնաժողովը չափազանց հավասարակշռված է»,- ասել է Զաշտովտը»,-գրում է թերթը:
Նյութն ամբողջությամբ կարդացեք թերթի այսօրվա համարում: