«Մեր աղբյուրների փոխանցմամբ՝ չնայած «Ընտանիքում բռնության կանխարգելման, ընտանիքում բռնության ենթարկված անձանց պաշտպանության և ընտանիքում համերաշխության վերականգնման մասին» տրանսֆորմացիա ապրած օրենքի նախագիծը ներառված է երեքշաբթի մեկնարկող ԱԺ քառօրյայում, բայց հնարավոր է տեղափոխվի կառավարության նախաձեռնությամբ դեկտեմբերի 12-ին հրավիրված արտահերթ: Այս քառօրյան շատ ծանրաբեռնված է բյուջեի նախագծով, դրան առնչվող հարակից օրենքներով, այդ թվում և՝ Ռուսաստանի կողմից Հայաստանին տրամադրվելիք 100 մլն. դոլար վարկի համաձայնագրով: «Ընտանեկան բռնության մասին» օրենքի քննարկումները կրկին թե՞ժ կանցնեն՝ հարցրինք ԱԺ մեր աղբյուրին: «Չէ, օրենքը լավ վերամշակել են մեր՝ ՀՀԿ ֆրակցիայի կողմից, այլևս որևէ պրետենզիա չկա: Բոլոր առաջարկները հաշվի են առնվել, ՀՀԿ ֆրակցիայում փակ քննարկում է եղել: Դավիթ Հարությունյանի ոչ մի պնդում, սկսած վերնագրից, չի անցել: Նկատեք՝ վերնագրում բացակայում է «ընտանեկան բռնություն» եզրույթը, ավելացել է «համերաշխությունը», մնացել է այն, ինչ կա Քրեական օրենսգրքում»: Ի դեպ, օրենքի «ամորձատման» աշխատանքը կատարել է Հրայր Թովմասյանը: «Նախագահականի հետ համաձայնեցված»,- ասացին: Իսկ պարոն Սվիտալսկին գոհ կմնա՞: «Պիտի որ»»,-գրում է թերթը:
Նյութն ամբողջությամբ կարդացեք թերթի այսօրվա համարում: