«Վրաստանի վարչապետ Գիորգի Կվիրիկաշվիլու հայաստանյան այցի չեղարկումև ուշագրավ ստացվեց. նախ ԵՄ պայմանագրի ստորագրման, ապաև՝ Վրաստանում ՀՀ նոր դեսպանի պաշտոնավարման մեկնարկից անմիջապես հետո վերջինս Կվիրիկաշվիլու այցի առիթով էր արագացրել հավատարմագրի հանձնումը՝ 3 օր առաջ: Երեկ, օրվա երկրորդ կեսին փորձեցինք Վրաստանում ՀՀ դեսպան Ռուբեն Սադոյանից ճշտել, թե արդյոք այլ պատճառ չկա վարչապետի այցի չեղարկման համար, բացի այն, ինչ նշում է ՀՀ կառավարությունը. «Վրացական կողմի խնդրանքով Վրաստանի վարչապետ Գիորգի Կվիրիկաշվիլու այցը Հայաստան հետաձգվել է անորոշ ժամանակով: Այն կկայանա Վրաստանի խորհրդարանի կողմից երկրի կառավարության կազմը հաստատելուց հետո»: Դեսպանը, պարզվեց, նոր էր իմացել այդ մասին, մանրամասներից տեղյակ չէր, գտնվում է Հայաստանում՝ «եկել է դիմավորելու Վրաստանի վարչապետին, մասնակցելու նրա հայաստանյան այցին»: ԱԳՆ-ից էլ ասացին, որ այցի չեղարկման պատճառը Կվիրիկաշվիլու կառավարության կողմից պառլամենտին ներկայացված «Կառավարության կառուցվածքի մասին» անհետաձգելի օրենքի չընդունվելն է, ինչն էլ պառլամենտական երկիր Վրաստանի սահմանադրությամբ՝ կառավարության և վարչապետի վստահության ու հրաժարականի խնդիր է առաջացնում: Ի դեպ, Կվիրիկաշվիլու կուսակցությունը՝ «Վրացական երազանքը», պառլամենտում լուրջ մեծամասնություն ունի, և «պետք է որ նման բան չլիներ»,- ասաց մեր աղբյուրը:
Նշենք, որ Հայաստանում ևս մշակվում է «Կառավարության կառուցվածքի մասին» օրենք, և այն նույնպես առաջիկայում կներկայացվի պառլամենտական երկիր՝ Հայաստանի խորհրդարանին»,-գրում է թերթը:
Նյութն ամբողջությամբ կարդացեք թերթի այսօրվա համարում: