Կենդանակերպի այս նշանների ներկայացուցիչները ստեղծված են երկարաժամկետ հարաբերությունների համար. նրանք հեշտությամբ են հաղթահարում վեճերն ու տարաձայնությունները, կարողանում են ժամանակի ընթացքում ամրացնել հարաբերությունները։ Kefline.ru-ն ներկայացրել է, թե ովքեր են լավագույնը երկարաժամկետ հարաբերությունների կառուցման համար։
Ցուլ։ Կայուն են, հուսալի։ Երբ որոշում են հարաբերություններ կառուցել, անկեղծորեն նվիրվում են իրենց զուգընկերոջը։ Նա թույլ կտա հասկանալ, թե ինչ է ցանկանում հասկացնել ձեզ։ Նրանց դուր չեն գալիս անսպասելի փոփոխությունները և անվտանգության բացակայությունը։
Ցուլերը կայունություն են սիրում, ինչը չի նշանակում, թե նրանք ձանձրալի են։ Ցուլերը շատ զգացմունքային են, նրանք տանել չեն կարողանում ձանձրալի երեկոները հեռուստացույցի էկրանի առաջ։
Նրանք ցանկանում են դուրս գալ տնից և արկածներ որոնել։ Ցուլը պատրաստ է փորձել նոր բաներ և կհետևի, որ հարաբերությունները երբեք չհասնեն անդառնալի վիճակի։
Խեցգետին։ Խեցգետինները չափազանց հոգատար են, այդ պատճառով էլ երկարաժամկետ հարաբերություններն օդի նման հարկավոր են նրանց։ Նա չի վախենում կիսվել զգացմունքներով, և զուգընկերոջը խրախուսում է նույն կերպ վարվել։ Խեցգետինները կապվում են մարդկանց, ովքեր հուզում են իրենց։ Եթե հարաբերություններ ունեք Խեցգետնի հետ, վստահ եղեք, որ նա չի հեռանա, երբ խնդիրներ ունենաք։
Նա կփորձի շտկել հարաբերությունները և կարող է ամբողջությամբ բավարարել զուգընկերոջ էմոցիոնալ պահանջները։ Խեցգետինը նվիրված է, մշտապես ձգտում է աճել և սովորել զուգընկերոջից։
Կույս։ Կույսերը հուսալի են։ Երբ խնդիրներ են առաջանում, նրանք ճիշտ մեթոդաբանությամբ լուծում եք դրանք։ Միշտ ձգտում են լավացնել հարաբերությունները։ Կույսերը խմբակային խաղացողներ են, ովքեր գիտեն՝ ինչպես է հարկավոր անցնել անախորժությունների միջով։
Նրանք կարող են վեճեր և տարաձայնություններ ունենալ զուգընկերոջ հետ, բայց անցնելով դրա միջով՝ նրանց հարաբերություններն ավելի են ամրանում։ Կույսերն աննկարագրելի նվիրված են և բարի, ինչը նրանց իդեալական զուգընկեր է դարձնում։
Կշեռք։ Կշեռքները պաշտում են երկարատև հարաբերությունները։ Նրանք գնահատում են ներդաշնակությունը և անասելի համբերատար են։ Չեն վախենում խոցելիությունից կամ էմոցիոնալ պարզությունից, ինչը նրանց օգնում է սեփական պահանջների մասին տեղեկացնել զուգընկերոջը։ Հարաբերություններ սկսելուց հետո նրանք կանեն ամեն բան՝ դրանք ամրացնելու և ներդաշնակ դարձնելու համար։ Կշեռքները կայուն են և հազիվ թե լքեն զուգընկերոջը։
