Ջոանա Պալանին 23 տարեկան է, սովորում է Դանիայում և իր կյանքի ընթացքում աշխարհն ազատել է 100-ից ավել ԴԱԻՇ-ի ահաբեկիչներից։
Նա ունի պարսկա-քրդական արմատներ և ծնվել է փախստականների ճամբարում։ Դեռ 10 տարին չլրացած՝ նա արդեն տիրապետում էր զենքին։ Հետագայում ընդունվում է Դանիայի քոլեջներից մեկը, բայց հետո, թողնելով ուսումը, ուղևորվում դեպի Սիրիա։ Նա պայքարում էր կանանց իրավունքների համար։
Ջոանան դիպուկահար է և հակառակ իր կանացիության՝ համարվում է ուժեղագույն զինվոր։
Այնուամենայնիվ, Դանիայի կառավարությունը դեմ էր Ջոանայի գործողություններին և արգելեց աղջկան երկրից դուրս գալ։ Ջոանան որոշեց վարվել այնպես, ինչպես ինքն է ճիշտ համարում և մեկնեց Կատար։
Վերադարձի ժամանակ նրա անձնագիրը խլում են և 3 շաբաթով զրկում ազատությունից։ Նա ստիպված էր Կոպենհագենում սպասել դատարանի որոշմանը։
Ջոանային իրոք սպառնում էր երկարաժամկետ ազատազրկում, քանի որ, ըստ Դանիայի կանոնների, նա իրավունք չուներ լքելու երկիրը և մասնակցելու պատերազմական գործողությունների, բայց խախտել է օրենքը։
