Մաֆիաները հայտնի են իրենց անօրինական գործունեությամբ, դրա միջոցով հսկայական գումարներ վաստակելով, սակայն իրականում դրանք այլ հիմնական զբաղմունքներ ևս ունեն: Ձեզ ենք ներկայացնում աշխարհում գործող ամենահզոր մաֆիաներից հինգին:
Սիցիլիական Մաֆիա՝ Կոզա Նոստրա
Իտալական մաֆիայի կազմի մեջ են մտնում բացառապես «ընտանիքի» անդամները, որոնք բնիկ սիցիլիացիներ են։ Իրականում իտալական մաֆիան այնքան էլ հին չէ, սակայն իր գոյության ընթացքում հասցրել է մոլորակի ամենավտանգավոր ու սարսափելի կրիմինալ կառույցներից մեկը դառնալ:
Ռուսական մաֆիա
Պաշտոնական տվյալներով՝ ամենավտանգավորը հանդիսացող ռուսական մաֆիան ունի ավելի քան 300.000 անդամ: Այս մաֆիայի անդամներին «աշխարհի ամենավտանգավոր մարդիկ» է համարում ԱՄՆ հատուկ ծառայությունների նախկին գործակալներից մեկը:
Յակուձա
Մնացած բոլոր մաֆիաներից տարբերվող յակուձան ճապոնական և կորեական մաֆիան է: Նրանք հաճախ բաց են գործում, անգամ հայտարարություններ են տալիս թերթերով և ունեն սեփական գրասենյակային շենքեր: Հիմնականում քաղաքական գործունեությանը միջամտող յակուձայի անդամները միշտ կրում են իրենց բնորոշ սև կոստյումներ: Այս մաֆիան համարվում է ամենադաժաններից մեկը, սակայն 2011 թ. ցունամիից տուժածներին առաջինը նրանք են օգնություն ցույց տվել:
Մեքսիկական նարկոկարտել
Երկար ժամանակ գործող մեքսիկական նարկոկարտելն առավել մեծ ուժ ձեռք բերեց կոլումբիական նարկոկարտելի անկումից անմիջապես հետո: Մեր ժամանակներում Մեքսիկայի տնտեսության շուրջ 63%-ը կազմում է թմրանյութերի առքուվաճառքը:
Սերբիական մաֆիա
Հայտնի է, որ Սերբիայի տնտեսությունն այնքան էլ բարվոք վիճակում չի գտնվում, հենց այս պատճառով էլ սերբիական մաֆիան շատ-շատերի համար դարձել է գումար վաստակելու միակ միջոց: Ավելի քան 30 երկրներում գործող այս մաֆիան աշխարհին հայտնի է զենքի ու թմրամիջոցների վաճառքի հաջող կազմակերպմամբ:
