Եթե ցանկանում եք Ամանորին որևէ ինքնատիպ ու յուրօրինակ խմիչք մատուցել ձեր հյուրերին, ապա այս հրաշալի գույնով ու հաճելի բույրով ալկոհոլային ըմպելիքը շտապեք պատրաստել և նախապես ունենալ այդ օրվա համար: Ձեր հյուրերը կշտապեն հետաքրքրվել դրա պատրաստման եղանակով:
✓ 0.7 լ օղի
✓ 5 նարինջ
✓ 0.5 կգ շաքարավազ
✓ 1 լիտրանոց ապակե տարա՝ կափարիչով
✓ 1 շիշ (1-1.5 լիտր տարողությամբ)
Պատրաստումը
Նարինջը լավ լվանալ (ցանկալի է սոդայով): Զգուշությամբ հանել ցիտրուսակեղևը սպիտակ շերտի հետ
միասին (սպիտակ շերտը մնալու դեպքում խմիչքը դառնահամ կդառնա):
Ամբողջ կեղևը լցնել 1 լիտրանոց տարայի մեջ և վրան օղի ավելացնել: Ծածկել, դնել սառնարանի մեջ կամ այլ սառը և մութ տեղ՝ 5 օր:
Նարնջի ավելացած մնացորդը դնել սննդի համար նախատեսված պոլիէթիլենային տոպրակի մեջ, լավ սեղմել և դնել սառնարանը:
6-րդ օրը նարնջի թուրմը քամեք, կեղևները կարող եք դեն նետել:
Մնացած նարինջներից հյութ քամեք: Այն պետք է ստացվի 0.5 լիտր: Եթե պակաս լինի, ապա պետք է ավելացնել ջուր, որպեսզի ստանաք պահանջվող չափը:
Խառնել նարնջի հյութը 0.5 կգ շաքարավազի հետ և դնել ուժեղ կրակի վրա: Տաքացնել՝ անընդհատ խառնելով: Այնուհետև վերցրեք կրակի վրայից և թողեք՝ հովանա:
Օշարակը խառնեք նարնջի թուրմի հետ, ստացված լիկյորը լցնել 1-1.5 լիտրանոց շշի մեջ և դրեք սառնարանը ևս 2-3 օր: